Gömlu Reykjavíkurstórveldin KR og ÍR eiga sér langa sögu saman og elduðu grátt silfur lengi vel á upphafsárum körfuboltans á Íslandi en bæði lið eru meðal sigursælustu liða í karla- og kvennaflokki í körfubolta. Það hefur þó ekki mikið farið fyrir rígnum undanfarna áratugi enda ÍR-ingar ekki verið í toppbaráttunni um Íslandsmeistaratitilinn karla- eða kvennamegin að neinu ráði síðan á áttunda áratugnum. Þess fyrir utan hafa KR-ingar verið uppteknari af nágrönnum sínum í Val á meðan ÍR hefur einna helst verið að buffast við Stjörnuna.
Það gæti þó eitthvað verið að breytast en bæði KR og ÍR tefla fram liðum í 1. deild kvenna í ár og mættust einmitt í bikarkeppni KKÍ í gær og töldu ýmsir að augljóst væri að grunnt væri á því góða milli þjálfara liðanna, þeirra Kristjönu Jónsdóttur og Harðar Unnsteinssonar.
Ef menn halda að það séu einhverjar getgátur þá ættu eftirfarandi tvít hjá þjálfurunum tveim eftir leikinn í gær, sem ÍR vann, að taka af öll tvímæli.
ÍR-ingurinn var ekki lengi að svara kollega sínum úr Vesturbænum.
Liðin mætast tvívegis í deildinni í vetur, þann 7. desember í TM Hellinum og 12. mars á Meistaravöllum og því um að gera að taka frá dagsetningarnar.
